Blauring Pfäffikon

Vili wüsset gar nöd was Blauring eigentlich isch. Däbi isch das eini vo de tollschte Freizitbeschäftigungä für Maitli. Die chönd ab dä 3.Klass bi eus i Gruppestunde cho, go verschiedeni Sache mache.

D’Maitli lerned neui Chind känne.
Sie machet verschiedeni Spili uf neui Arte.
Dä Teamgeist wird gförderet usw.

Grundsätz vo Blauring Schweiz:  zusammen sein - mitbestimmen - kreativ sein - natur erleben - glauben leben

S’Highlight vom Blauring isch s Lager, wo jedes Jahr im Herbst irgendwo i dä Schwiiz stattfindet. D'Leiterinne organisieret immer wieder es neus tolls Programm für die Lagerwuche.

Falls au ihr Inträsse hend chönder euch bi eusere Scharleiterin oder denn bi de Klasseleiterin diräkt mälde. D’Leiterinne vom Blauring Pfäffike freued sich immer wieder, wenns wieder neui Maitli git, wo au möchtet debii sii oder eifach mal go ineluege.

www.blauring-pfaeffikon.ch